Drama Sunda
Hariring Kingkin
(PANGGUNG NEMBONGKEUN KAAYAAN DI JERO IMAH. AYA KORSI HOE JAMAN BAHEULA SASETEL JEUNG LOMARI LEUTIK NU GEUS KULEUHEU. DINA KORSI HOE, AWEWE UMUR 40 TAUNAN KEUR DIUK BARI NGANYAM BOBOKO. SORA KACAPI SULING KAPIRENG HAWAR-HAWAR. SAJERONING DIGAWE, ETA AWEWE (ISAH) RET DEUI-RET DEUI KANA JAM DINGDING NU NAPEL DINA BILIK. GEUS AMPIR JAM GENEP BURIT.)
ISAH (ngomong sorangan) :
Nya kamarana barudak teh, wayah kieu can baralik. Nyiar-nyiar pikamelangeun bae!
Nya kamarana barudak teh, wayah kieu can baralik. Nyiar-nyiar pikamelangeun bae!
MEUNANG SAWATARA JONGJONGAN, ISAH DIGAWE DEUI. TEU KUNGSI LILA KADENGE SORA NU LEUMPANG. ISAH CURINGHAK. BUDAK LALAKI MAKE SARAGAM SMP (UDIN) NGALIWAT KA HAREUPEUN ISAH, TAPI TEU NGARERET-RERET ACAN, SAKITU AMPIR NGADUPAK IRUNG.
ISAH (bari muncereng) :
Cik atuh ka kolot teh, ulah nganggap tunggul!
Cik atuh ka kolot teh, ulah nganggap tunggul!
UDIN (ngarandeg, tuluy ngalieuk ka indungna) :
Teu katembong atuda, Ma!
Teu katembong atuda, Ma!
ISAH :
Teu katembong kumaha, sakitu indung ngajentul ti tatadi. Geura diajar sopan atuh. Matak disakolakeun oge, ngarah nyaho tatakrama. Ieu mah kumaha, jajauheun kana uluk salam, leumpang oge teu sirikna ngadupak irung (jempe heula sakeudeung). Diuk heula, Ema aya obrolkeuneun!
Teu katembong kumaha, sakitu indung ngajentul ti tatadi. Geura diajar sopan atuh. Matak disakolakeun oge, ngarah nyaho tatakrama. Ieu mah kumaha, jajauheun kana uluk salam, leumpang oge teu sirikna ngadupak irung (jempe heula sakeudeung). Diuk heula, Ema aya obrolkeuneun!
UDIN TULUY DIUK HAREUPEUN INDUNGNA. TAPI BANGUN TEU NGEUNAH CICING.
ISAH (semu nyungkun) :
Ari Ujang ti mana bae atuh, wayah kieu nembe mulih. Apan biasa oge, bubar sakola mah jam hiji, lin?
Ari Ujang ti mana bae atuh, wayah kieu nembe mulih. Apan biasa oge, bubar sakola mah jam hiji, lin?
UDIN (ngajawabna henteu saregep) :
Biasa, Ma. Diskusi kelompok!
Biasa, Ma. Diskusi kelompok!
ISAH :
Moal enya diskusi mani saban poe. Ulah sok ngabohong ka indung mah, bisi doraka!
Moal enya diskusi mani saban poe. Ulah sok ngabohong ka indung mah, bisi doraka!
UDIN :
Kajeun ari teu percaya mah.
Kajeun ari teu percaya mah.
ISAH :
Tuh, da mawa karep sorangan bae maneh mah.
Tuh, da mawa karep sorangan bae maneh mah.
UDIN :
Isukan Udin butuh duit, Ma!
Isukan Udin butuh duit, Ma!
ISAH :
Nya, kana duit deui lumpatna teh. Meugeus ah, bosen ngadengena oge, saban usik menta duit. Ilikan atuh kaayaan kolot, sakieu teu bisa usaha teh. Bapa maneh apan kalahka beuki maceuh, ayeuna oge teuing ka mana.
Nya, kana duit deui lumpatna teh. Meugeus ah, bosen ngadengena oge, saban usik menta duit. Ilikan atuh kaayaan kolot, sakieu teu bisa usaha teh. Bapa maneh apan kalahka beuki maceuh, ayeuna oge teuing ka mana.
UDIN :
Kudu aya isuk, Ma. Keur mayar buku. Mun henteu mawa, Udin bakal dicarekan ku guru!
Kudu aya isuk, Ma. Keur mayar buku. Mun henteu mawa, Udin bakal dicarekan ku guru!
ISAH :
Keun bae dicarekan oge. Ari euweuh, nya kudu kumaha deui. Guru oge ngamalum meureun. Atuda bongan sorangan, boga duit teh sok dihambur-hambur. Anggursi tabungkeun, ngarah aya sampeur-sampeureun upama pareng euweuh.
Keun bae dicarekan oge. Ari euweuh, nya kudu kumaha deui. Guru oge ngamalum meureun. Atuda bongan sorangan, boga duit teh sok dihambur-hambur. Anggursi tabungkeun, ngarah aya sampeur-sampeureun upama pareng euweuh.
ISAH TERUS CENGKAT.
ISAH :
Tungguan heula imah, Ema rek ka masjid heula!
Tungguan heula imah, Ema rek ka masjid heula!
UDIN TEU NGAJAWAB. ISAH TERUS NGALEOS. SATINGGALKEUN INDUNGNA, UDIN MUKA KANTONG. TULUY NGALUARKEUN AMPLOP, EUSINA KERETAS JEUNG POTRET. KERETAS DIBACA.
SORA (Back Sound) AWEWE :
Kang Udin, enjing teh cios jalan-jalan teh? Ku Mella diantos di tempat biasa!
Kang Udin, enjing teh cios jalan-jalan teh? Ku Mella diantos di tempat biasa!
UDIN SEURI SORANGAN. POTRET DITEUTEUP, TERUS DIASUPKEUN DEUI KANA AMPLOP. LENG NGAHULENG BARI NYABAK TARANG. JALANG-JELENG SAKEUDEUNG. GEK DEUI DIUK. KEUR KITU TOROJOL INDUNGNA, MAKE MUKENA.
ISAH :
Etah, masih keneh diuk di dinya. Lain geura mandi, geura solat magrib. Ulah sok dielat-elat solat teh!
Etah, masih keneh diuk di dinya. Lain geura mandi, geura solat magrib. Ulah sok dielat-elat solat teh!
UDIN (bari ngareret ka indungna) :
Isuk teh rek dibahanan duit moal, Ma?
Isuk teh rek dibahanan duit moal, Ma?
ISAH :
Kumaha isuk we atuh. Sugan we bapa maneh meunang duit.
Kumaha isuk we atuh. Sugan we bapa maneh meunang duit.
UDIN NANGTUNG. TERUS NGALEOS BARI HEHEOTAN. ISAH TIBANG GOGODEG. TERUS DIGAWE DEUI. TAPI KAKARA OGE DICABAK, GEUS NGAGEROAN DEUI ANAKNA.
ISAH :
Udiiin, Udiiiin!
Udiiin, Udiiiin!
KURUNYUNG UDIN SEMU NU KEUHEUL.
UDIN :
Aya naon deui atuh, Ma. Ongkoh tadi teh dititah mandi?
Aya naon deui atuh, Ma. Ongkoh tadi teh dititah mandi?
ISAH :
Ari lanceuk maneh kamana, piraku geus ampir poek can balik keneh. Ti isuk-isuk da inditna teh. Mangkaning pangawakan awewe, nyiar-nyiar bae pikamelangeun.
Ari lanceuk maneh kamana, piraku geus ampir poek can balik keneh. Ti isuk-isuk da inditna teh. Mangkaning pangawakan awewe, nyiar-nyiar bae pikamelangeun.
UDIN :
Teuing atuh, da henteu nguruskeun!
Teuing atuh, da henteu nguruskeun!
ISAH :
Ih, lain kalahka hare-hare. Engke mah mun geus mandi jeung dahar teangan, geura balik ceuk Ema kituh!
Ih, lain kalahka hare-hare. Engke mah mun geus mandi jeung dahar teangan, geura balik ceuk Ema kituh!
UDIN :
Teangan kamana, da Udin mah teu apal di mana ulinna.
Teangan kamana, da Udin mah teu apal di mana ulinna.
ISAH :
Di babaturanana sugan.
Di babaturanana sugan.
UDIN :
Embung ah neanganana oge. Rek ngapalkeun Udin mah!
Embung ah neanganana oge. Rek ngapalkeun Udin mah!
UDIN NGALEOS DEUI. BARENG JEUNG KITU, KURUNYUNG OMAD, NYOLENDANGKEUN SARUNG. ISAH NGALIEUK, TERUS MURELENG.
ISAH :
Ti mana bae ari Akang, wayah kieu mani karek ngurunyung. Geus dua poe lin, henteu balik ka imah teh?
Ti mana bae ari Akang, wayah kieu mani karek ngurunyung. Geus dua poe lin, henteu balik ka imah teh?
OMAD (malik muncereng) :
Etah-etah, ka salaki teh kawas rek ngerekeb. Cik atuh batur cape keneh teh, ulah waka disampakeun pipaseaeun.
Etah-etah, ka salaki teh kawas rek ngerekeb. Cik atuh batur cape keneh teh, ulah waka disampakeun pipaseaeun.
ISAH :
Atuda enya, Akang mah mani euweuh tanggung jawab pisan. Di imah teh geus teu boga nanaon, Kang. Cacakan lamun kuring henteu usaha mah, teuing ti mana keur dahar oge!
Atuda enya, Akang mah mani euweuh tanggung jawab pisan. Di imah teh geus teu boga nanaon, Kang. Cacakan lamun kuring henteu usaha mah, teuing ti mana keur dahar oge!
OMAD :
Alah, ulah ngaleuleungit kana hasil kesang salaki. Kieu-kieu oge Akang teh bisa keneh usaha. Bisa keneh maraban anak pamajikan.
Alah, ulah ngaleuleungit kana hasil kesang salaki. Kieu-kieu oge Akang teh bisa keneh usaha. Bisa keneh maraban anak pamajikan.
ISAH :
Enya, tapi kudu mayeng, Kang, ulah kalan-kalan. Ka budak oge Akang mah mani hare-hare, kawas nu ngantep karepna.
Enya, tapi kudu mayeng, Kang, ulah kalan-kalan. Ka budak oge Akang mah mani hare-hare, kawas nu ngantep karepna.
OMAD :
His, ari ngurus budak mah tanggung jawab awewe, Akang mah moal pipilueun.
His, ari ngurus budak mah tanggung jawab awewe, Akang mah moal pipilueun.
ISAH :
Ku kuring sorangan mah pamohalan kaurus, Kang. Budak teh apan dua ….
Ku kuring sorangan mah pamohalan kaurus, Kang. Budak teh apan dua ….
OMAD :
Enya, apal Akang oge!
Enya, apal Akang oge!
ISAH :
Lain ukur apal, tapi kudu nalingakeun ongkoh. Tuh Si Lilis, ayeuna teuing kamana. Peuting mangkukna mah henteu balik, teu sare di mana. Ditanya kalahka baluar-balieur. Melang Kang, mangkaning budak awewe, bisi kumaha onam, bisi kabawa ku sakaba-kaba!
Lain ukur apal, tapi kudu nalingakeun ongkoh. Tuh Si Lilis, ayeuna teuing kamana. Peuting mangkukna mah henteu balik, teu sare di mana. Ditanya kalahka baluar-balieur. Melang Kang, mangkaning budak awewe, bisi kumaha onam, bisi kabawa ku sakaba-kaba!
OMAD :
Enggeus ah, ngajak wae ngawangkong, Akang mah cape. Hayang sare!
Enggeus ah, ngajak wae ngawangkong, Akang mah cape. Hayang sare!
OMAD TERUS NGALEOS. ISAH TIBANG OLOHOK BARI GOGODEG. MANEHNA OGE MILU NGALEOS.
Tamat
Komentar
Posting Komentar